Chapter 16- Sweetness overload

Hindi siya mapakali habang nasa kusina at naghahanda ng maiinom ni Vance. Napapikit siya habang inaalala ang kanyang hitsura kanina na may hawak pang itak na ginamit niya sa pagputol sa matataas na halaman sa likod-bahay.

"Arggh!"

Iniiling-iling niya ang kanyang ulo dahil sa hiyang bumabalot sa kanyang katawan.

"What happened to you?"

Nagulat pa siya sa biglang may nagsalita sa kanyang likuran.

"Ano ka ba! Namumuro kana sa akin. Jusko naman Sir Vance, papatayin mo ako sa atake sa puso. Bumalik kana roon, huwag ka rito kasi makalat ang kusina namin. Baka mangamoy ka pa." pagtataboy niya sa lalaki. Ngunit sa halip na umalis, mas lalo pa itong lumapit sa kanya. Nakatayo siya sa tabi ng pang-apatan ang laki na mesa.

"Kanina tinawagan mo akong Michael. Ngayon naman ay Sir Vance. Bukas makalawa ano na naman kaya." isang nakakalokong ngiti ang sumilay sa mga labi nito.

"Wala!" pagtataray niya.

"I like it, when you call me Michael." saad nito habang mataman siyang tinitiga