Chapter 49.1- Fragment

(FRAGMENT OF HER MEMORIES)

ALANA, SPECIAL REDEMPTION OF HER PAST.

Inakyat ko ang bakod sa bahay ni ni Anda. Gusto ko na siyang makita at hindi ako papayag na hadlangan nila akong makita siya. Hindi na nga ako nabigyan ng pagkakataon na makasama si mama, tapos iyong nag-iisa ko pang kapatid ay ilalayo pa sa akin.

“Anong ginagawa mo? Hindi mo ba alam na trespassing iyan?” napatingin ako sa batang alam kong ka edaran ng kapatid ko.

So bata siguro siya sa akin ng mga dalawang taon.

“Huwag ka maingay!” Sabi ko sa kaniya.

Kumunot ang noo niya. “You can’t go inside. Magnanakaw ka ba?”

“What? Hindi ako magnanakaw. I just want to see my sister!”

“Lolo Bilhem, may magnanakaw dito!” Sigaw niya. Agad akong bumaba at kumaripas ng takbo paalis.

Hingal na hingal ako nang makabalik ako sa bahay ni Elaine.

“Saan ka na naman ba galing?” tanong ni Elaine sa akin. Lumabi ako at uminom ng tubig.

“Sinubukan kong puntahan si Andania sa bahay nila pero naabutan ako ng bata na lagi niyang kasama.”