Chapter 46: Missing Scene

AYEISHA

“SAAN ka pupunta nang ganitong oras, anak?!” sigaw ni Daddy sa akin nang bigla akong lumabas ng library.

Tinungo ko ang silid ko at nagbihis pagkuwa’y tinawagan si Benrick na magpapahatid sa San Remigio. Babawiin ko lang naman ang anak ko kay King. Wala akong paki kung magmamatigas siya basta kukunin ko si Kalei sa ayaw at sa gusto niya. Anak ko rin si Kalei kaya may karapatan ako sa kan’ya. Hangga’t wala pang pitong taon si Kalei, dapat nasa pangangalaga ko ang mga anak ko dahil ako ang ina.

“Anong oras na, Ayeisha. Hindi ba p’wedeng ipagpabukas ang pagpahatid mo doon?”

“Ayokong magsayang nang oras, Ben. Kailangan kong makuha si Kalei kay King.”

“Huh? Anong ibig mong sabihin?”

“Magmamaang-maangan ka rin ba, Ben? Alam kong alam mong anak ko si Kalei.” Ngayon ko lang din napagtanto ang mga sinabi niya noon kay Halina nang una kong dalhin dito ang panganay ko.

“S-sinabi na nila M-Mommy?”

“Yes, Ben. Kaya ‘wag niyo nang dagdagan ang sama ng loob ko sa inyo, pakibilisan.”