Chapter 41

Nang matawagan ko si Stella at Marcus ay sinabi kong may emergency at kailangan nilang pumunta sa condo ko. Wala naman silang ibang tinanong pa dahil dali-dali na rin silang umalis sa bahay nila.

"Baka mamura tayo ng dalawang 'yon kapag nalaman na pina-prank lang pala natin sila!" natatawang sabi ni Caroline.

Nagsisimula na siyang uminom ngayon kaya lang ay wala ako sa mood uminom ng hard drinks kaya naman ang wine na natira namin ni Cristiano ang nilalaklak ko ngayon.

"Kung hindi ko sasabihin na emergency ay hindi naman pupunta ang mga 'yon dito," sabi ko naman.

"Sabagay. Ang hirap pa naman ayain ng dalawang 'yon lalo na kapag ganitong late na," sagot ni Caroline.

Nag-inom lang kaming dalawa roon habang hinihintay ang dalawa naming kaibigan at nai-kwento ko na rin sa kaniya ang lahat ng nangyari sa akin sa buong week na 'yon. No'ng una ay nahihiya pa akong sabihin sa kaniya ang nangyari sa amin ni Cristiano pero nang mag-open up siya tungkol din sa gano'ng bagay ay sinunod ko na