Chapter 42

“Talaga anak? Okay na sa panganay mo na ligawan mo si Trixxie?” tanong ni Mang Guillermo. Maging ito ay nagulat sa sinabi ni Gavin na nagkusa itong tawagan ang ama para payagan ang panliligaw nito.

“Oo, Tay. Buti at nagsumbong pala ang bunso ko. Akala ko rin ay hindi niya alam na ako talaga ang Papa niya. Sinabi na pala ng Kuya Trevin nito bago umalis,” nakangiting saad ni Gavin.

“Eh, Kuya so pwede ko ng dalawin ang maganda kong pamangkin? Kapag sinuswerte talaga oh! Hanep ka rin pumili Kuya! Heredera pa ng mga Angeles ang nakana mo!” tukso ni Greta sa kapatid.

“Ikaw Greta ! Kababae mong tao ang sagwa ng mga salitang pinipili mo,” sermon ng ama sa anak.

“Totoo naman Tay! Kita mo naman sa ganda at puti ni Trixxie, hindi man lang siya nandiri sa ulikba kong kapatid!” Tatawa-tawa na turan ni Greta habang hawak ang tiyan nito.

Napailing na lang ang mag-ama sa pang-aa