Chapter 71

Sobrang ingay dito sa Wrangler ni Jacob. Bukod kasi sa malakas na music na nanggagaling sa dalang speaker ni Leon ay sobrang lakas din ng tawa nilang dalawa ni Sebastian sa likod. Magkasundong-magkasundo pala silang dalawa pagdating sa kalokohan.

Sasabihin daw sana nila sa akin na may lakad kami ngayon pero dahil hindi ko na sila nakausap pa kagabi ay hindi na nila nasabi.

Ang plano nila ay sa bahay na lang ni Sebastian pero ang iminungkahi ni Leon ay sa dagat na lang daw para maipasyal naman ako doon. Pumayag din naman agad ang dalawa dahil mukhang gusto ring maligo sa dagat.

Hindi ako nasabihan kaya hindi ako nakapaghanda. Basta na lang akong pumulot ng mga gamit na gagamitin ko. Mabuti na rin ito para marelax ang isipan ko. Halos wala kasi akong tulog kagabi sa kakaisip sa mga sandamakmak na problemang kinakaharap ko at ng pamilya ko ngayon.

I need to unwind even just for a day. Hindi naman siguro masama iyon.

And who would know that there's a b