CHAPTER 34

"DADDY, what happened to your eyes? Why do you have a black eye?" narinig niyang tanong ni Euna kay Brix.

Pagkatapos sa hardin ay sumunod ang mga ito sa kaniya sa loob ng mansyon, at kasalukuyan na silang nasa sala. Nakatayo siya habang pinapatulog ang bunsong anak. Si Euna nama'y nakasalampak nang upo sa carpeted na sahig, at nilalaro ang bagong manika nito na pasalubong ng ama. Habang si Brix naman ay tila haring nakaupo sa pahabang couch na naroon. Nakadekuwatro ito, at nakasandal ang likuran sa sofa. Ang isang braso nito'y nakaunat na nakasablay sa headrest. Hawak nito ang cellphone sa kanang kamay habang seryosong nakatitig sa screen. Mukhang may importante itong ka-text. Mayamaya'y napangisi ito.

"Somebody punched me, baby," tugon nito kay Euna. Ibinalik nito ang cellphone sa bulsa ng pantalon. Itinukod nito ang dalawang braso sa binti, saka tiningnan ang anak.

"Who punches you, dad?" tanong ni Euna. Bahagya itong napasulyap sa ama, saka ipinagpatuloy ang paglalaro.

Mula sa pagka