Chapter 14.2

“MAMAYA mo nalang isipin ang tungkol saakin Zoey. Ang mahalaga ay makuha na natin si Catherine, hindi siya safe sa kamay ni Katheryn.”

Ulit na sabi sa kaniya ng babaeng kaharap niya ngayon kaya wala siyang nagawa kundi ang tumango ng dahan dahan. Sobrang daming katanungan sa isip niya, sino ang babaeng iyon? Bakit ang dami nitong alam tungkol sa kaniya at paanong kilala niya ‘din ang Katheryn na pangalang kusa niyang nabigkas kanina lang.

Sumenyas sa kaniya ang babae na sumunod dito na muli nang sinuot ang mask nito. Tumango lang siya sa babae at sa pangunguna nito ay naglakad sila sa mahabang hallway na iyon. Wala naman siyang nararamdaman na ibang aura na papalapit sa kanila kaya ayos lang.

Habang tahimik ang paligid ay hindi pa ‘rin mawawala ang bilis ng tibok ng puso ni Zoey. Hawak niya sa kaniyang kamay ang silencer na dala sa mahigpit na paraan at dinadalangin na sana ay wala ng dumating pa na tauhan. Pero sadyang mapagbiro ang tadhana dahil paglagpas nila sa hallway na iyo