CHAPTER 35

Audrey's POV

Sa condo ako ni Kuya umuwi dahil gusto kong makita ulit si Ate Emerald. Ngunit pagdating ko doon ay wala akong naabutan na tao. Nasabi na sa akin ni Kuya na male-late siyang makauwi. Si Ate Emerald naman ay hindi ko ma-contact. Kaya si Kuya na lang ang tinawagan ko.

"Audrey, nasa condo ka na ba?" bungad niya sa akin.

"Yes, Kuya. Pero wala pa si Ate Emerald," sagot ko naman habang tumitingin sa relo ko.

Alas siyete na ng gabi. Ayoko mang mag-isip ng kahit ano ngunit nag-aalala na ako kay Ate Emerald. Nabanggit kasi niya sa akin na halos pagtangkaan na ni Brenna ang buhay niya. Kaya hindi ko maiwasan ang mag-isip at mag-alala ngayon.

"Pauwi na ako."

Iyon lang ang sinabi ni Kuya bago niya ibaba ang tawag. Napabuntong hininga naman ako at saka pabagsak na naupo sa sofa. Maraming pinagdadaanan ngayon sina Kuya lalo na si Ate Emerald. Kaya nga gusto kong maramdaman nila na kakampi nila ako sa ganitong sitwasyon. At gusto ko ring maramdaman ni Ate Emerald kung paano magkaroon ng