CHAPTER 29

HALOS ayaw ng bitawan ni Charity ang kaniyang anak matapos itong isilang. Kagaya ngayon na kalong-kalong niya ito at pinagmamasdan habang mahimbing na natutulog. Hindi niya mapigilang umiyak sa isipang sa susunod na araw ay kukunin na ito ni Cameron mula sa kaniya. Parang hindi niya kakayanin, natatakot siyang malayo sa anak at kagisnan ang buhay na mayroon si Cameron. Ayaw niyang mamuhay ang anak sa buhay na meron ang lalaki.

"Sinabi sa akin ni Servant Kim na ayaw mong kumain, Charity."

Napatingin si Charity sa bagong dating na si Dra. Lesley.

Matamlay siyang ngumiti. "Paano ako magkakaganang kumain kung alam kong baka sa susunod na araw ay wala na sa akin ang anak ko," malungkot niyang turan. Muling tinignan ang anak at hinalikan ito sa noo. Napakagandang bata, hindi maitatangging anak ito ni Cameron dahil mas lamang ang nakuha nito sa ama kaysa sa kaniya.

"Kailangan mong magpalakas, Charity. Kakailanganin mo iyon sa mga susunod na araw," makahulugang sa