CHAPTER 35

WALANG pagsidlan ang tuwa ni Madam Ada nang makita si Calista. Kinuha nito ang bata na karga ni Stefano dahil nakatulog sa byahe patungo sa mansion. Namumula ang pisngi ni Calista na tila may makapal na blush-on dahil sa init ng panahon sa Pilipinas kaya naninibago ito. Buti na lamang at malamig na sa mansion dahil naka air-conditioned ang buong paligid.

"Maligayang pagbabalik sa Pilipinas, Charity, Stefano at Sharlot. Ano, magp-party na ba tayo?" Nakangiting turan ng ginang na umupo sa sofa habang kalong si Calista na animo sanggol pa kung ituring nito.

Isa sa ipinagpapasalamat niya na maraming nagmamahal sa anak niya, hindi nito naranasan ang lupit na naranasan niya, doon pa lang ay masaya na siya. Lumapit siya kay Madam Ada at humalik sa pisngi nito.

"Good Idea," ani Stefano na tila pagod na pagod na umupo sa sofa.

Siya naman ay nagkibit balikat lamang at ngumiti. Tho, sanay naman na siya sa mga party-party pero mas pinipili lang niya ang mga