37: Hatid

"Uwi ka agad. Huwag ka ng huminto sa girlfriend mo. Mas lalo kang gagabihin," suhestiyon ni Leticia kay Milo. baka kasi iyon ang gawin ng lalaki. Mas mabuti ng maklaro niya. “Pwede mo namang ipagpaliban ang panliligaw mo. Huwag na muna sa ngayon.”

Nasa gilid siya ng bukas nila na gate, nakahilig sa malamig na bakal habang tinitingnan ang lalaki na pumunta sa kotse nito. Akala niya ay tuluyan na itong papasok sa loob, subalit hindi. Huminto lang ito sa gilid ng kotse. Sa may salamin ng kotse. At hinarap siya. 

“Umuwi ka na,” utos niya pa. 

Hindi ito umimik sa kanya.

Teka. May problema ba sila ng lalaking ito? Eh, ang ayos-ayos naman ng usapan nilang dalawa kanina. Hinatid lang niya ang lalaki sa kabila ng malamig na klima sa labas. <