CHAPTER 82

ATASHIA

Agad akong sinalubong ng yakap ni Liza. Si Gemma naman ay umiiyak habang nakatingin sa amin. Kitang-kita naman sa mukha ng mga kamag-anak nila ang matinding takot na naramdaman nila. Ngunit ang ipinagtataka ko ay kung bakit naroon din si Lance ng mga oras na iyon.

"Kumusta kayong mag-ina? Nasaktan ba kayo?" tanong ni Liza sa akin.

"Liza, tingnan mo nga si Charlene. May ahas sa loob ng kweba Hindi ako sigurado kung natulaw ba siya o hindi," bulong ko sa kan'ya.

Mabilis naman na kumalas sa pagkakayakap ko si Liza. Agad niyang sinuri ang buong katawan ng aking anak. Palibhasa isa siyang nars kaya sanay na sanay siya sa pag-check ng mga pwedeng sintomas ng tuklaw ng ahas.

"Wala akong nakitang kahit na anong indekasyon na natuklaw ng ahas si Charlene," sabi ni Liza.

Laking pasasalamat ko na malayo si Lance habang nag-uusap kami ni Liza. Baka kasi maghurumentado ang asawa ko kapag nalaman niya ang nangyari sa amin ng anak niya sa loob ng kweba.

"Bakit nandito si Lance?" Hindi