CHAPTER 83

ATASHIA

Maliwanag na nang umalis kami ng Catanduanes. Sakay ng isang private plane, tahimik akong nakaupo sa tabi ng bintana ng eroplano. Si Charlene naman ay katabi ng kan'yang ama at nag-i-enjoy sila na pagmasdan ang mga ulap.

Wala akong ideya kung saan kami pupunta. Buong magdamag kasi ay daig pa namin ni Lance ang hindi magkakilala. Sa sofa siya natulog habang ako ay katabi ni Charlene. Kahit may space pa sa kama, sinabi ko sa kan'ya na mahuhulog ang anak namin kapag tumabi pa siya sa amin. Batid ko na alam ni Lance na hindi ko siya gustong makatabi sa pagtulog pero hindi naman siya nagreklamo. Bumubulong-bulong siya na parang manggagamot noon sa Siniloan pero hindi ko na siya pinansin pa.

Bigla kong nahaplos ang aking tiyan ng nakaramdam ako ng pagkahilo. Nasusuka kasi ako habang nasa ere kami.

"Mabuti na lang at hindi ako nabuntis ng mokong na ito," bulong ko sa aking sarili.

Bigla ko kasing naalala ang nangyari sa amin ni Lance noong nagkaroon ng party sa isa sa mga compani