Chapter 8

Ako na yata ang pinaka malas sa mundo!

“Ehem, Sir—este Ma’am Avy, ano’ng kailangan niyo?” tanong ko na lang.

Sobrang awkward nito! Bakit bigla naman kaming nagkaharap ng ganito ngayon. Sana man lang pinalipas muna ng ilang buwan para hindi na gaanong awkward! Noong nakaraan lang may nangyari sa amin, tapos magkaharap na kaming dalawa agad ngayon?!

“I just want to have my tires fixed.” He looked at me from head to toe. “Dirty,” maarte pang sinabi niya.

“Aba…” Akmang aambahan ko siya pero agad akong pinigilan ni Sid.

“Hoy, bakit ang pikon mo na ngayon? Customer niyo ‘yan, huy,” pagpigil niya sa akin.

Napabuga na lang ako ng hangin at pinakalma ang sarili ko. Oo nga, bakit ba ako napipikon?

“Mauna na ‘ko, Alex. Huwag kang mang-away ng mga customer, ha,” sabi na lang ni Sid saka tinapik ako sa balikat bago umalis.

Napaismid na lang ako saka tiningnan ang kotse ni Avy. Nakatingin lang naman siya sa akin, sa bawat galaw ko. Pinilit ko na lang hindi magpa-apekto at tumuloy sa pagtingin