Chapter 43

Asper Reign Dahlia's Pov

Napakunot ang noo ko nang hindi ko na mahagilap si Jyn. Saglit kasi siyang nagpaalam para kumuha ng maiinom namin pero nang bumaling ako sa bar counter ay hindi ko siya nakita.

At saan naman kaya nagsuot ang isang iyon?

Lumapit ako sa bar counter at tinawag ang bartender ngunit bago pa man ito tuluyang makalapit sa akin ay biglang sumulpot sa harap ko si Jyn. "Cee!" Kinurot ko ang tagiliran niya dahil bahagya akong nagulat sa bigla niyang magsulpot. "Kanina pa kita hinahanap eh."

"Bumalik lang ako sa VIP room dahil may nakalimutan akong sabihin kay Dash," aniya. "Anyway, ito na ang inumin mo." Inabot niya sa akin ang bote ng beer na kanina ko pa iniinom.

"Thank you." Kinuha ko iyon at agad na tinungga hanggang sa maubos ito. "Woohh! Ang tagal ko ding hindi nakakainom ng ganito karami."

"Mukha namang mataas ang alcohol tolerance mo pero alalayan mo pa din, okay?" aniya na agad kong tinanguan

Sanay akong uminom ng alak noon kahit pa hindi ako nakakapunta sa mga