Chapter 17.1

Flashback...

Gumuhit ang pagtataka sa mukha ni Katriss Calve nang dumating siya sa tahanan ni Rio Costor. Nasa pintuan ang lalaki na tila ba hinihintay ang kanyang pagdating.

"Welcome home, my beloved secretary." Gumuhit ang matamis na ngiti sa labi nito.

"Thank you, sir." Bahagyang yumukod si Katriss. Kasanayan na niya iyon bilang tanda ng paggalang. Hindi na lamang siya nagpahalata kahit naninibago siya sa asta nito.

"Alam kong kagagaling mo lang sa biyahe Miss Calve pero kailangan mong maghanda ulit." Tuluyan nang nawala ang ngiti sa labi nito. Bagamat walang kangiti-ngiti ay mahinahon naman ang tinig nito.

Nangunot naman ang noo ng sekretarya.

"May pupuntahan ba tayo, sir?"

Agad namang tumango ang lalaki.

"Yes. Pupunta tayo sa Isla El Tremor."

Tila naman tinambol ang puso ni Katriss sa narinig. Narinig na niya ang isla na 'yon. Noon pa man din ay interesado na siya sa pribadong isla ng bilyonaryo. Malaki ang hinala ng grupo ng secret agent na kanyang kinabibilangan na n