Chapter Thirty Three

 [ AMIEL ]

  - Sunday, March 10, 3:27 pm

Tahimik akong naka-upo sa isang bench habang sinusundan ng tingin ang mga tao rito sa park na tulad ko, ay nakatambay din.

Sa isang gilid, may makikita kang mga pamilya na masayang nagsasalo-salo habang may nakalatag na picnic mat. Sa katapat naman nito, may mga mag-kasintahan din na abala sa pagkuha ng litrato ng isa't isa at paglalampungan. May mga bata ring paikot-ikot sa parke.

Lahat sila may kasama, ako lang yata ang wala.

Kasalukuyan naman akong nakatungo habang pinapanuod ang mga paa ko na gumuhit ng mga hindi mo maintindihang litrato sa lupa na kinatatayuan ng bench na inu-upuan ko.

Ha? Ano yon? Bakit kamo ako nandito?

Well, marami akong reasons.

Una sa lahat, wala akong magawa sa bahay. Actually, meron, 'yong mga unfinished documents ko. Pero sinisipag ba akong gawin? Hind