CHAPTER TEN

Isinuot ni Asule ang hawak na T-shirt bago inabot ang sigarilyong nakapatong sa bedside table. Kinuha niya ang taling kulay itim at ipinaikot iyon sa mahabang buhok. Wala na siyang oras na tirintasin iyon kaya ipinasya niya itali na lang iyon sa likod. Hinayaan rin niyang nakabagsak ang ilang maiksing hibla ng kanyang buhok. Tumayo siya mula sa pagkaka-upo sa kama at nilingon si Belle.

"Ayusin mo na ang sarili mo at bumaba ka na. It's already late for breakfast." Aniya bago tuluyang tumayo at humakbang palabas ng silid.

Tuloy-tuloy na bumaba si Asule sa hagdanan patungo sa groud floor ng packhouse kung saan naghihintay si Governor Hiro Arcena.

May ideya na siya kung bakit ito nasa Black Eagle Pack. Mukhang nakarating na rito ang tungkol sa pagtanggi niya sa pack alliance na inaalok ni Alpha Elizer. Noong una ay pabor siya sa alliance dahil ibig sabihin noon ay magkakaroon siya ng back-up sakali mang malagay sa alanganin a