CHAPTER TWELVE

AGLICAY TERRITORY

Pagbungad pa lang ng grupo ni Asule sa malaking gate ng teritoryo ng Aglicay ay kaagad na nilang napansin ang simpleng pamumuhay ng mga taga-roon. Payak ang ayos ng mga bahay na nakatayo sa paligid ng lugar at wala ring gaanong sasakyan sa baku-bakong kalsada. Maingay ang paligid dahil sa sigawan ng mga nagtitinda sa gilid ng kalsada habang nagliliparan ang mga alikabok. 

"Ito na ang Aglicay?" Tanong ni Tigen na ang mga mata ay nakatutok sa mga mamamayan ng Aglicay na abalang-abala para sa pang-araw-araw na buhay. 

"Yes," walang emosyong tugon ni Rendon na sandali lamang sumulyap sa labas ng bintana ng sasakyan. "but don't be deceived by their weak and fragile look. Ang Aglicay ay lungga ng mga exiles na nakagawa ng krimen sa pack nila. Halos lahat ng nakatira dito ay mga kriminal." Dugtong nitong sandaling nagsalubong ang kilay habang ang mga mata ay deritsong nakatutok sa harapan. 

Si Rendon ang nagma