CHAPTER THIRTEEN

Kasalukuyang nasa maliit na kaininan sina Asule malapit sa INN na tinutuluyan nila nang bigla silang mabulabog ng nagkakagulong mga mamamayan ng Aglicay. Sabay-sabay silang napalingon sa pinanggalingan ng ingay. 

Kumunot ang noo ni Asule nang makita ang nagmamadaling alalay ni Vander Del Mar. Hindi maitago sa mukha ng lalaki ang pagka-irita. 

"Ano'ng meron?" Takang untag ni Tigen habang marahang nginunguya ang kinakaing mansanas. 

Nagkibit-balikat naman si Rendon na tila walang pakialam sa nangyayari. Muli nitong ibinalik ang atensiyon sa kinakaing hamon. Si Asule naman ay balewalang humithit ng sigarilyo bago ibinuga ang usok niyon habang tinatapik-tapik ng mga daliri ang ibabaw ng mesa. 

Normal nang magulo sa Aglicay dahil lungga iyon ng mga kriminal. Walang araw na lumilipas na hindi nagkakaroon ng kaguluhan sa lugar. Araw-araw na may nangyayaring pagpatay. 

Hanga si Asule sa pinuno ng lugar na si Vander De