Kabanata Eighty-Nine

Kinabig ko ang kanyang mukha paharap sa akin para magtagpo ang aming mga mata.

“Hindi mo kailangan isipin ang mga ganoong bagay— ”

“Pero Ate Helena, paano ko po hindi magagawang isipin ang ganoong bagay? Nangyari na rin ang ganitong bagay sa akin noon, Ate at may ginawa ka sa akin ng araw din na ‘yon. Anong pagkakaiba noon sa nangyayari sa akin ngayon? Hindi po ba talaga ako buntis? Ano po ba ang totoo, Ate Helena? Sabihin niyo po sa akin ang totoo,” umiiyak na saad ni Nina na nagsisimula na maging histerikal.

Hinawakan ko ang kanyang mukha at sinubukan siyang pakalmahin. “Nina, hindi ka buntis,” maikli kong saad.

“Kung gano'n po, ano po itong dahilan ng mga hindi pangkaraniwang nangyayari sa akin? Bakit ako nasusuka? Bakit hindi ko gusto ang amoy ng lansones? Ano po ang lahat ng iyon?” Sunod-sunod niyang tanong sa akin.

“Hindi ko maipapaliwanag ang lahat na nangyayari sa ‘yo,