Kabanata Ninety-Five

SA NAKALIPAS na mga araw ay hindi ko pa rin lubos na magawang  makontrol ang sitwasyon na nangyayari rito. Habang pinagmamasdan ko sila na nakahiga sa pinagtagpi-tagping pinutol na kawayan na ginawa nina Joaquin at ng ibang kalalakihan na narito para maiwasan na madagdagan ang kanilang sakit tulad ng pneumonia ay mas kinakain ako ng aking isipan kung paano sila mapapagaling. Hindi pa rin lubos na bumubuti ang kalagayan ng mga nakakaraming tinamaan ng cholera na narito at halos may lima na rin ang namatay dahil sa kakulangan ng mga gamot na kailangan na ibigay sa kanila lalo na hindi pa rin nawawala ang kanilang mga sintomas at labis ko iyon na ikinababahala .

“Binibining Helena, anong gagawin natin sa kanilang lahat? Hanggang ngayon ay hindi pa rin bumubuti ang kanilang mga kalagayan?” tanong sa akin ni Lola Nilda.

“Sa ngayon wala akong tiyak na magagawa para sa kanila bukod sa paghihintay ng pagbabalik ni Mang Julian bitbit ang mga inaasahang gamot na iniutos ko sa