KABANATA 32

Matagal na napatitig lang siya sa kamay nitong nakalahad sa kanya.

" Are you here with someone?" medyo inilapit pa ni Kyle ang mukha sa kanya para marinig niya ito.

Biglang napatingin siya sa dance floor at nakita niyang papunta si Clyde at Claire sa gitna para sumayaw. 

Iyon na ang chance niya para makita siya ni Clyde nang malapitan. Agad na bumaling siya kay Kyle at maagap na inabot ang kamay sa lalaki.  Umiling lang siya para sagutin ang tanong nito at ngumiti para sabihing pumapayag siyang maisayaw nito. Natatakot kasi siyang magsalita dahil baka makilala nito ang boses niya.

Mas lumuwang ang ngiti ng lalaki at hinawakan na nga nang tuluyan ang kamay niya at iginiya siya sa gitna. Napapitlag pa siya nang maramdaman ang dalawang kamay nito sa beywang niya. Nakita niya nang ngumiti ito nang bahagya sa reaksiyon niya.

Siyete! Hind pa yata siya makakaligtas sa pagka-playboy nitong si Kyle. Akala siguro nito ang ganda niya sa likod ng mas