CHAPTER 34

Habang nasisiyahan sa panonood ng pelikula si Rose sa living room, dumako ang atensyon niya sa taong pababa ng hagdan. Mas maaliwalas na ang mukha nito kung ikukumpara kaninang umaga. Mukhang kagigising lang din dahil sa buhok nitong magulo na nagpapadagdag sa kanyang angking kakisigan. Napaayos siya kaagad ng upo.

Sinalubong niya ang pagbaba ni Xavion.

"Kumusta ka na, Xavion? Kumusta na ang pakiramdam mo? May lagnat ka pa ba? Masakit pa ba ang sugat mo?" sunod-sunod na tanong niya.

Naglakad ito patungo sa kusina, nilagpasan siya pero sumunod pa rin siya.

"I'm fine, Rose. The fever's gone, and the wound's okay." he answered gruffly.

Napangiti siya sa sagot nito. "Mabuti naman. Pero ngayon na mas maayos ka na, mayroon akong isang munting hiling." wika niya na ikinatigil ni Xavion.

"What is it?" nagugulumihanang tugon nito.

"Eh, alam mo, gusto ko sanang..." Napakagat siya sa kanyang labi.

Inipon ni Rose ang sapat na lakas ng loob para sabihin ito kay Xavion. Gusto niya lang talaga saman