63. TRAPPED SERIES#3

[Samantha]

Galit na hinampas niya ang kamao sa harapan ng pulis na nag-iinterogate sa kanya. "Ilang beses ko bang sasabihin na hindi totoo ang sinasabi ng babaeng 'yan. Hindi ko siya sinaktan at wala akong kasalanan!" Galit na bumaling siya kay Mila, nang lalapit na siya rito ay nagkunwari pa itong nanginig sa takot sa kanya.

Pagak siyang natawa. Hindi niya akalain na magaling pala 'tong umarte. Daig pa ang magaling na artista. "S-Samantha, u-umamin ka na. T-Tama na, h-hindi ko na kaya ang pananakit mo sa akin araw-araw. S-Sinabi ko naman sa'yo na wala kaming relasyon ni Z-Zandro. B-Bakit ba ayaw mong maniwala sa akin." Lumuluhang bumaling ito sa pulis. "M-May testigong nakakita kaya hindi na siya makakatakas sa batas."

Maski anong pagmamakaawa ang gawin niya ay hindi siya pinakinggan ng mga pulis. Patulak pa siyang ipinasok ng mga 'to sa loob ng seldang naro'n. Napadain6 siya sa sakit ng tumama ang tuhod niya sa matigas na sahig.

Nang ilibot niya ang tingin sa paligid ay napaatras