29. Balita

[Letlet]

Nagmamadali ang bawat hakbang niya habang tinatahak ang daan papunta sa kweba. Dahi huminto na si Birang sa pag-iimbestiga kung sino ang babae ni Lucian ay may panahon na ulit silang magkita ng pinsan niya.

At dito nga sila nagkikita sa kweba.

Tatlong linggo na silang nagkikita ni Lucian rito sa kweba tuwing gabi. Katulad ng nakaraan ay nagpapakalunod sila sa kandungan ng isa't isa.

Pagpasok niya sa kweba ay nilabas niya sa bulsa ang kwintas na gawa sa perlas. Ginawa niya talaga 'to para kay Lucian. Palagi nalang kasi ito ang nagbibigay sa kanilang dalawa.

Inabot na siya ng dalawang oras sa paghihintay pero hindi pa rin dumating si Lucian.

Nakapagtataka.

Kapag kasi magkikita sila ay agad na sumusunod 'to. Kinuha niya ang gasera at tinahak ang daan palabas ng kweba. Pagpatay niya ng gasera ay siya namang takip ng kung sino sa kanyang bibig.

Nanlamig ang katawan niya sa takot!

Gustuhin man n'yang sumigaw ay hindi niya magawa, hindi rin niya magawa na kalmutin 'to dahil walang ka