Chapter 27.8

Nagising si Serene na kumakalam ang kaniyang sikmura. Mabuti na lamang at nang mga oras na iyon ay nawala na ng tuluyan ang sakit ng ulo niya.

Napahilamos siya sa kaniyang mukha at pagkatapos ay bumangon ngunit hindi pa siya bumaba ng kama.

Anong oras na ba? Tanong niya sa kaniyang isip. Hindi niya alam kung bakit bigla na lamang siyang nagising ng dahil sa gutom niya. Siguro ay dahil hindi siya nakakain ng maayos kanina.

Masyado niya kasing inaalala ang sakit na nararamdaman niya dahil sa pagbanggit ni Luther ng pangalan ng ex nito, lalo pa ngayon at ang sabi nito kanina sa kaniya ay nanaginip daw siya.

Panaginip lang ang lahat rito. Napabuntung- hininga siya. Hindi na siya naglakas pa ng loob na sabihin rito na hindi panaginip iyon kundi totoong nangyari, na hindi rin si Lian ang naroon dahil walang iba kundi siya.

Muli siyang nagpakawala ng isang malalim na buntung- hininga at pagkatapos ay tuluyang tumayo mula sa kaniyang kama. Kailangan niyang kumain dahil parang manghihina siya