CHAPTER 34

NAKAILANG pukpok na si Yesha sa cellphone niya pero mas lalo lang itong dumidilim. "Arghhh, letse!" halos itapon na niya ito sa inis. Kanina pa kasi niya ito hindi magamit ng maayos. At dalawang oras na lang ang mayroon siya bago magsimula ang orientation nila. Hindi siya pwedeng mawala roon.

Kailangan niyang gumawa ng paraan. Tatawagan sana niya ang mama niya para manghiram ng pera pero nakalimutan niyang wala na nga pala siyang load para roon.

Naiiyak na siya sa sobrang inis dahil wala siyang gagamitin.

Lumabas siya ng kwarto na inuukupa niya at nagmamadaling nagtungo sa kusina. Naabutan niya roon si Shawn na abala sa laptop sa kung ano mang dahilan.

Kumuha siyang baso at sinalinan iyon ng tubig bago pinilit ang sarili na kumalma habang nag-iisip ng ibang paraan. Para siyang nanghihina sa isiping baka hindi talaga para sa kan'ya ang pag-aaral sa daming hadlang na dumadating sa kan'ya sa t'wing may kinalaman sa school ang kan'yang gagawin.

"Are yo