CHAPTER 38

TAHIMIK na ipinaghain ni Yesha ang dalawa. Ayaw niyang sumabay sa mga ito dahil hindi naman iyon ang gawain ng isang katulong. Hindi iyon ang ang dapat niyang ginagawa. Kasi ang totoo, dapat saka lang siya kakain pagkatapos din kumain ng amo niya.

"Uhh--- excuse me?" napatingin siya sa babae nang tawagin siya nito. "Bakit?" tanong niya at inihinto ang paghahain.

"Bakit dessert plate ang inilagay mo?" nakangiti ngunit ramdam niya ang pagiging sarkastiko sa boses nito.

"Anong dessert plate?" tanong niya sa babae saka bumaling kay Shawn na mukhang nababahala. "Ito, kasi hindi naman ito dinner plate. Dessert plate ang tawag dito, and this spoon is a salad spoon." nahihiyang napatingin siya sa mga pinggan. Kaya pala magkakaiba ang mga ito at dahil may iba't-iba rin pala itong gamit.

"Don't tell me, hindi mo alam?" kahit na malumanay ang paraan ng pagtatanong ng babae ay naiinsulto pa rin siya. Patago niyang itinikom ang kan'yang kamao para pigilan ang inis na