CHAPTER 37

NAIIRITA na pinagmasdan ni Yesha ang lalaki na ngayon ay nasa entrance ng pandaya. Akala niya no'ng una ay nmamalikmata lang siya pero hindi e. Papalapit na ito ngayon sa kanila at wala siyang mabasang kahit na anong emosyon sa mukha nito.

"Hi, hijo..." bati ng kan'yang ina rito. Tumango naman ang lalaki bilang tugon sa mama niya. "Hello, tita. Kamusta po ang church?" tanong ng lalaki na hindi man lang siya tinapunan ng tingin.

Nilayasan na lang tuloy niya ang dalawa at nauna nang pumila para bayaran ang mga pinamili niya. Ito pa talaga ang may karapatang magalit samantalang ito ang kinalimutan na lang bigla ang kanilang usapan.

Ang ganda ng mood niya tapos biglang may dumating. Ayos lang naman sana e, kaso hindi man lang nag-abala si Shawn na ipakilala siya. Kung nahihiya itong kasama siya edi sana sinabi na niya kaagad. Para naman hindi na siya nagmukha pang tanga roon kakahintay. Sino nga ba naman kasi siya para ipakilala? Isa lang naman siyang hamak na katul