Fascinated by the Enemy - Chapter 18

Napapitlag si Kate nang marinig ang malutong na ingay ng nababasag na kahoy. At ang pagbagsak niyon sa sahig. Nabaklas ang pinto!

Pasuray na pumasok ang isang galit na galit na Zander.

"Anak ng--" pagmumura nito. "Bakit hindi ka sumasagot?" pang-uusig nito nang makita siya.

Tinatagan ni Kate ang sarili. "H-huwag kang lalapit!" bulalas niya.

Nakatitig siya sa lalaking nasa harapan niya. Iba na naman ang karakter nito ngayon. He looked ruthless and powerful...

Humakbang palapit sa kanya ang lalaki. Madilim ang mukha. His stance was menacing as he stood before her trembling form.

"Bakit ka umalis sa hapag-kainan nang walang paalam?" tanong nito, paangil.

"T-tapos na akong kumain," tugon niya.

"Ni hindi mo ginalaw ang pagkain mo, Kate," pakli ni Zander.

Umatras siya nang magpatuloy sa paghakbang ang lalaki. Hindi siya huminto sa pag-urong hanggang sa mapadikit na ang kanyang likod sa makinis na dingding. Nanlalaki ang mga ma