Chapter Seventeen

Malalaki ang mga katawan, bawat isa sakanila ay armado ng malalaking mga armas pamaril. Nakapalibot sila sa isang lamesa at nakatingin sa mga larawang nakalatag. Nahagip ng paningin ko ang larawan ni Gail at ng isang matandang babae at lalaki, pero ang mas ikinagulat ko ay nang makita ko ang larawan ko kasama ng kambal. 

"A–ano... Eugene, Anong ibig-sabihin nito?" nanginginig ang boses ko, takot na takot sa mga nakikita ko.

Nakita kong sumenyas siya sa mga lalaking nakaitim na iwan muna kami. Napapikit pa ako nang dumaan sila sa gilid ko, nakahinga lang ako ng maluwag nang tuluyan na silang makalayo. 

"Bakit ka nandito? Hindi ba aalis kayo? Bakit ka bumalik?" nakahawak siya sa ulo niya Ng sabihin yon, parang problemadong-problemado na bumalik ako.

"Ano bang nangyayari? Kaya mo ba kami pinaalis dahil dito? Pero ano to? Ano bang nangyayari Eugene?" marring sigaw ko sakaniya. 

Tumingala siya ng matagal na tila sumasagap ng lakas s