Not Hoping...

Nakakasilaw na liwanag mula sa bintana ang gumising sa akin, hindi nga isang bangungot ang nangyari sa akin kundi totoo. Ang atensyon ko ay agad kong nilipat sa sofa sa gilid, inaasahan na andoon pa rin si Craig pero bigo ako.

“Oh, gising ka na.” Iyon agad ang salitang narinig ko pagbukas ng pintuan, si mama iyon na may bitbit na mga Tupperware, “kumusta ang pakiramdam mo?”

Kinakausap niya ako pero hindi siya nakatingin sa akin, ramdam at alam ko ang dahilan pero gusto kong marinig mismo sa kaniya. Gusto ko rin makarinig ng mga salita mula sa kaniya katulad ng mga sinabi ni Craig sa akin kahapon.

“Kinakausap kita, bakit hindi ka sumasagot? Sa tingin mo ay may karapatan ka ng ganyanin ako porket ako ang nagutos sayo na pumunta sa blind date na ‘yun? Sinisisi mo rin baa ko tulad ng papa mo?!” Galit ang mga mata niyang tumingin sa akin, maging ang boses niya ay tumaas ng kaunti.

Tulad ko ay maging si mama ay nagulat rin sa ginawa niya, muli siyang bumalik sa paghahain ng pagkain na dala