Chapter 18

"I'm sorry, Laila. Pagod ako galing sa pagtatrabaho. Puwede ba na magpahinga muna ako?"

Mapait na natawa si Laila sa naging tugon ni Vincent. Hindi siya tanga para hindi mapuna ang pagbabago ng pakikitungo nito sa kaniya.

"Bakit, Vincent?! May iba ka na bang kinababaliwan?! May babae ka ba?! Sino?! Si Romana ba?!"

Napahilot sa sintido ang lalaki at mariin na napapikit. Gustong-gusto na niyang sabihin ang katotohanan kay Laila na hindi na ito ang mahal niya ngunit may parte pa rin sa kaniyang puso na nais protektahan ang nararamdaman nito.

"Naririnig mo ba ang sinasabi mo, Laila?! Si Miss Lichauco ang tumulong sa akin para ipagamot ka tapos susuklian mo siya ng pambibintang?! Hindi ka ba marunong magpasalamat? Kung hindi, ibahin mo ako! Marunong akong tumanaw ng utang na loob!" mataas ang boses na tugon nito.

Sa gitna ng kalaliman ng gabi, impit na napaiyak at napaupo na lamang sa sahig si Laila. Niyakap ang hubad na sarili upang matakpan ang kaselanan.

"A-Ang gusto ko lang naman ay b