Chapter 36

"H-Hello ... R-Romana ..."

Biglang nakaramdam ng kaba si Vincent nang sagutin ng babae ang tawag.

"I-loudspeakee mo. Gusto kong marinig ang pag-uusap niyo. Kung hindi mo man magawa ay palayain mo na lang ako at ang anak mo," utos sa kaniya ni Laila na seryosong nakatingin sa kaniya, nakamasid sa lahat ng kaniyang kilos.

Nanginginig ang kamay na pinindot niya ang loudspeaker ng kaniyang cellphone.

"Hello? Baby? Bakit hindi ka nagsasalita? May problema ba?" malambing na tanong ni Romana.

Napalunok siya ng ilang beses pagkarinig sa kaaya-ayang boses ng babae.

Samantala, napangiti naman nang mapait si Laila. Sobrang lambing pala talaga ng kabit ng kaniyang asawa kaya siguro nabaliw-baliw ito sa babae kahit na may edad na.

"R-Romana ... M-May gusto akong sabihin ..." panimula niya.

Mahirap para sa kaniya na pakawalan ang babae 'pagkat nasanay siya sa mga lambing nito at mga luho ngunit hindi rin naman niya nais na mapunta ang kaniyang asawa at magiging anak sa lalaking tricycle driver la