Chapter 38

Akmang isasaboy na ni Laila ang asido sa mukha ni Romana nang iharang ni Vincent ang sarili niya sa babae.

Natigilan si Laila.

"Tumigil ka na, Laila! Kung gusto mo ay ako na lang ang sabuyan mo niyan! Tutal ako naman ang ugat ng lahat ng ito!"

"B-Bakit Vincent? B-Bakit ginagawa mo 'to?" nanginginig ang mga labi na tanong niya.

Hindi siya makapaniwala na nagawa ni Vincent na iharang ang sarili maprotektahan lang ang babae nito.

Pilit na ikinubli ni Vincent sa kaniyang likuran si Romana para maisalba ito sa kung ano mang kahibangan ang binabalak gawin ng kaniyang asawa.

"Hirap na akong ipaliwanag sa'yo ang lahat ng dahilan ko, Laila. Ngunit isa lang ang pinakarason kung bakit kita iniwan, hindi na kita mahal."

Mahigpit na hinawakan ni Laila ang maliit na bote sa kaniyang kamay. Nagtatalo ang dalawang parte ng kaniyang isip kung isasaboy niya ba kay Vincent ang hawak o aalis na lang.

"Kung ang pagsira sa mukha ko ang makakapagpagaan sa loob mo, sige! Gawin mo! Pero sana bago mo iyon g