Chapter 40

Tagumpay na naipadala ni Romana sa dalawang panig ang divorce paper. Walang kaalam-alam ang dalawa na sinasamantala niya ang sitwasyon.

"Laila ... May ipinadala si Vincent sa'yo."

Inabot ni Laila mula sa kamay ni Tristan ang isang envelope. Nanginginig ang kaniyang mga kamay nang buksan niya ang bagay na iyon.

"D-Divorce paper ...'" sambit niya.

"H-Hindi man lang niya inalam ang kalagayan namin ng baby matapos niya kaming saktan? T-Talagang ito pa ang mas importante kaysa mga buhay namin?"

Muli siyang napaiyak dahil sa sama ng loob. Muli niyang naalala ang kaniyang anak na nawala.

"Tahan na ... Hayaan mong ang nasa itaas na lang ang magparusa sa mga taong kagaya nila," saad naman ni Tristan.

Nakalulungkot man ang nangyari kay Laila, sa isip ni Tristan ay mas mabuti nang nangyari 'yon. At least ay nakalaya siya sa isang kasal na walang kakuwenta-kuwenta. Nakawala siya sa isang lalaking mas mahalaga ang sex at pera.

Kinuha ni Laila ang ballpen mula sa sulong ng kaniyang table at saka pi