Graduation gifts

Mag-iilang linggo na ang nakalipas, pero hindi maikakailang mainit na usap-usapan pa din ang tungkol sa insidenteng nangyari sa party ni Andrew, buti na lang nahihirapang matukoy ng mga estudyante kung sino iyon.

Hindi niya din masyadong napapansin sina Luke nitong mga nakaraan, napakalaki talaga ng pagbabagong naidulot ng pangyayaring iyon sa kanya.

Sa mansyon lang yata nina Vincent walang pagbabago, bumalik nanaman kasi sila sa dati na kung saan si Celina ang umiiwas sa binata.

Ngunit ipinagsawalang bahala niya na lang ito at umaktong normal lang, kung makaka salubong mo si Celina ngayon hindi mo aakalaing may nangyaring masama sa kanya.

Wala siyang ibang iniisip ngayon kung hindi ang darating na finals nila, buo na ang kanyang desisyon, aalis siya agad sa mansyon sa oras na makahanap sila ng mauupahang bahay ni Lucy.

May kaunting ipon na naman siya para panghanap ng trabaho at pang gastos sa araw-araw sa loob ng tatlong buwan, kaya sigurado niyang kakayanin na nilang mamuhay.

"Celi