Responsibility

Masayang pina-iinitan ni Celina ang anak sa sinag ng araw ng umagang iyon, tuwang-tuwa niyang pinagmamasdan ang paglalaro nito sa sariling mga kamay, pinipilit kasi ni Lucien na kainin ang mga mittens na nakasuot sa kamay nito.

"Nagugutom ka na ba baby? Huwag mo kainan yan," natatawa niyang sabi sa anak.

Bigla niyang naaninag si Vincent na nakatingin mula sa balcony ng mansyon, tila nagtaasan ang kanyang balahibo sa panlilisik ng mga titig nito sa kanya, kaya minabuti niya na lang ang lumipat ng puwesto upang makaiwas dito.

Nagtungo na lang siya sa garden para doon painitan ang anak, naalala niya kasing naroon ngayon ang ate Melinda niya at nagdidilig, bigla naman naglikot si Lucien habang naglalakad siya kaya naman tumigil muna siya para maiayos ang pagkakarga dito.

Isang malakas na ngawa ang kumawala sa munting paslit kaya naman dali-dali niya itong hinele.

"Anong problema ng baby ko, ha?" pagpapatahan niya dito.

Tumigil din naman ito matapos ang ilang minuto ng paghehele niya, pero