His attention

Isang malambing at tulog na tulog na Vincent ang bumungad kay Celina pakagising, mahigpit itong nakayakap sa kanya, kaya naman nanatiling magkadikit ang mga hubad nilang katawan.

Hindi alam ni Celina kung anong oras siya nakatulog ng gabing iyon, hindi niya din mabilang kung ilang ulit nilang ginawa iyon. Ang tanging naaalala niya lang ay ang mga ungol at sigaw niya dahil sa mga ginagawa sa kanya ni Vincent.

Dahan-dahan siyang bumangon sa higaan. Kumuha na lang siya ng tuwalya para itakip sa katawan bago silipin ang anak, himbing na himbing pa din itong natutulog dahil na din siguro sa may aircon ang kuwarto.

Inayos niya ang kumot ng anak bago tumuloy sa banyo para maligo. Hinayaan ni Celina na umagos ang tubig ng shower sa kanyang katawan, napapaisip siya kung tama lang ba ang ginawa niya kagabi, natatakot kasi siya sa kahihinatnan ng kanyang desisyon.

Napatigil lang siya sa pagmumuni-muni nang may biglang pumulupot na mga kamay sa kanyang baywang, hindi niya napigilan ang mapatalon