Strike two engagement

Apat na araw na ang nakalipas matapos matuklasan ni Celina kung nasaan si Vincent kapag wala ito sa mansyon, hanggang ngayon ay patago pa din siyang umiiyak dahil sa nadadama, sobrang ang kanyang pagsisisi ng mga panahon iyon.

Sa isip-isip niya, kung naging matapang lang siya katulad ni Lucy, wala sana siya sa ganoong sitwasyon, siguro ay tahimik siyang namumuhay kasama ang anak.

Subalit napakadami niyang pangamba na siyang pumipigil sa kanya, wala siyang magawa kung hindi ang tanggapin na lang na talagang walang patutunguhan ang relasyon nila ng ama nito at pumapayag na lamang sa nais ng binata para makasiguradong magiging maayos ang kinabukasan ng anak.

Dahan-dahan niyang hinahaplos ang mukha ni Lucien habang hinihele ito, sa anak na lang siya kumukuha ng lakas para makayanan ang hapdi at sakit na dinaranas niya ngayon, wala naman din siyang mapagsabihan ng sama ng loob dahil ayaw niyang lumikha ng gulo.

Nagpapasalamat na lang siya at hindi pa din umuuwi si Vincent, kahit masakit sa