39. GRIND 1

YUMI

Agrianthropos City.

Napakagandang isla… at nakakamangha na malaman na si Trace ang nagdisensyo ng buong isla. Ang mga matatayog na gusali, ang malalapad na kalsada. Hindi aakalain ng kahit sinong makakarating dito sa unang pagkakataon na may ganitong lugar sa Pilipinas.

Mali pala. Hindi pala ito sakop ng bansang Pilipinas. Government rules and laws are not applicable in this island. Sa lugar na ito ay ang mga founder ng Foedus ang batas. Ang mga members ay lahat may bahagi sa isla at lahat ng naririto ay kailangan sumunod sa batas ng lugar.

And Isidro chose to be part of this organization. I sighed. Sa isang linggo namin dito ay inaamin kong unti-unti ay napapahanga na ako sa organisasyon ng Foedus.

Nang maramdaman ko ang ginaw na dala ng madaling-araw na hangin ay nanginig ako. Nakatanaw kasi ako sa labas habang nakatayo sa terrace ng kuwarto na gamit namin ni Ice. Ayoko pa sanang bumangon sa kama kanina pero nagagandahan ako sa mga ilaw na natatanaw ko mula sa mga gusali