Sorpresa

KANINA pa akong lutang. Ni-hindi ko man lang nga nagawang pansinin ang ibang empleyado na bumati sa'kin sa hallway. Hanggang ngayon kasi ay hindi pa rin maalis sa isip ko ang nangyari kahapon.

"Frenny oh, magkape ka muna. Kanina ka pang wala sa sarili mo eh. Nagkape ka naman sa bahay pero parang wala pa rin'g epekto." Anang kaibigan ko matapos ilapag sa harap ko ang tinimpla niyang black coffee. Umuusok pa ito at talagang nanghahalimuyak ang aroma. Kaya naman walang pagdadalawang-isip na kinuha ko agad 'yon at ninamnam ko muna ang masarap na amoy.

"Gaga! Inumin mo, huwag puro langhap lang!" Giit pa nito habang pinagmamasdan ang ginagawa ko sa kape.

"Hayaan mo na nga muna ako. Ang init pa eh, pa'no ko hihigupin 'yan?" reklamo ko.

"Tss..kaya nga hot coffee eh." Bubulong-bulong na wika nito. Inirapan niya pa ako bago tuluyan'g bumalik sa kanyang opisina.

Maya-maya lang ay bumalik ulit ito.

"Oh, ano na naman?" pinandilatan ko pa si Nicole ngunit tinawanan niya lamang ako. "Ba't bumalik k