BOOK 4 CHAPTER 21 - UNKNOWN NUMBER

Nagising si Brenda na sa loob na ng isang malaking silid. Dahan-dahan siyang bumangon para lang makita na nakabendahe na rin pala ang kanyang mga paa. Saka pa lang niya naalala ang nangyari sa kanya sa San Sebastian. Pinilit niyang bumaba mula sa kama upang tingnan kung saan siya dinala. Paika-ika siyang pumunta sa pintuan at pinihit ang door knob. Nagtaka siya kung bakit hindi niya ito mabubuksan. Hindi niya alam kung sino ang nagdala sa kanya rito. Inikot niya ang paningin sa buong silid. Nakita niya ang kurtina sa may bintana na nilipad ng hangin patunay na bukas ito. Muli niyang ininda ang sakit ng kanyang mga paa sa tuwing inaapak niya ito sa sahig sa kagustuhan niyang makasilip sa bintana. Hinawi niya ang kurtina. Ganun na lang ang kanyang pagtataka ng napagtanto na sa loob siya ng malaking yate. Natanaw niya ang lawak ng karagatan. Hindi niya alam kung ilang oras o, araw na siyang nandito. Malaki ang mga hakbang niya na bumalik sa pintuan. Wala na siyang pakialam kung masakit a