BOOK 4 TZHS 39 - VICTIMS OF 'TAMANG HINALA' VERSION

Huminto si Dharylle sa paglalakad palabas ng simbahan ng mapansin ang sasakyan ni Seidon sa di kalayuan. Hindi niya alam kung nakita na siya nito. Pero nagdadasal siya na sana hindi pa sya nakita.

Taranta siyang bumalik sa loob at planong sa kabilang pintuan siya dadaan.

“Kambal, saan ka pupunta?” tawag ni Dharyne sa kanya.

“Ah…dito ang sasakyan ko sa gilid ng simbahan kaya naisip kong dito na dumaan.” pagdadahilan niya sa kapatid.

“Ah, ganun ba? Oh, sige. Yang damit mo palitan mo agad pagdating sa venue ha. Mga malalaki na tayo hindi na kaaya-aya tingnan na pareho tayo ng suot na damit. Kung alam ko lang na pareho tayo ng susuotin hindi ko na ito sinuot.”

Nakamot ni Dharylle ang pisngi sa kadaldalan ng kapatid. “Oo, sige, sige na..Marami ka pang sinasabi, uwian na eh.” Agad niya itong tinalikuran sa takot na baka makita pa siya ni Seidon.

Nagtaka man si Dharyne sa kilos ng kapatid hindi na lang niya ito pinansin. Deretso siyang lumabas ng simbahan. Napansin niyang wala na ang la