BOOK 4 TZHS 44 - TRYING MY PATIENCE

“Ma’am Dharyne, may naghahanap po sa inyo sa labas.”

Umangat ng mukha si Luke nang marinig na binabanggit ang pangalan ni Dharyne. Tinungga niya ang natirang Spirytus Vodka sa baso niya at pasimpleng sinulyapan si Dharyne na kasalukuyang dumaan sa gawi nila at sinalubong ang Staff ng resort.

“Sa akin may naghahanap? Sino raw?” takang tanong ni Dharyne. May hawak din siyang Ladies Drink sa kamay. Nagkatuwaan din sila na mag-inuman nina Dharylle at Joanamay sa pool side ng resort.

“Ang sabi niya ‘Waylon’ daw Ma’am.” sagot ng staff.

“Si Waylon?” Bakas ang inis sa mukha ni Dharyne ngunit natuwa din nang may naisip na naman na kalokohan.

Nagdikit ang dalawang kilay ni Luke nang makita ang saya sa mukha ni Dharyne. Muli siyang nagsalin ng Vodka sa baso niya habang panay ang sulyap sa gawi ng babae. “Cr muna ako.” Paalam niya kay Rhayan nang makita na lumabas si Dharyne. Tumango lang si Rhayan habang kausap si Seidon at pinangaralan. Silang tatlo na lang ang umiinom dahil hinatid ni Dus