THZ 11 - NASHMIN

“Love, thanks God at gising ka na.”

Nanatili pa rin siyang tulala ng niyakap siya ni Hera. Matagal siyang nakatitig sa pisngi ng dalaga, habang nakasandal ito sa dibdib niya. Kumalas ito ng yakap sa kanya at umangat ng mukha upang titigan siya. Sandaling nagtama ang kanilang mga mata.

“Nashmin?” sambit niya dahilan upang mag-iba ang ekspresyon ng mukha nito. Nakita niyang nanlabo bigla ang mga mata nito dahil sa namumuong luha.

“Love, Ano ba ang nangyari sa’yo? At sino si Nashmin? Babae ba siya sa nakaraan mo? O, pinagsabay mo lang kami?"

Napakurap siya ng mga mata at umiwas ng tingin. Pakiramdam niya, natulog siya ng mahabang panahon at ngayon lamang nagising. Si Nashmin ang huling babaeng nakita niya sa kanyang panaginip, kaya napagkamalan niya si Hera na si Nashmin. Inikot niya ang paningin at nakita niya sina Rheniel at Nathan na nakatingin lamang sa kanya. Tinapunan niya ito ng makahulugang tingin, at naintidihan naman ng mga ito ang ibig niyang sabihin. Mabilis na lumabas ng