THZ 12 - TRUE LOVE HAS NO ENDING

“Magpahinga ka na, Hera. Bukas na natin ituloy ang pag-uusap.” wika ni Don Fernan, ng makita na umalis na si Hector.

Labis ang tuwa sa mga mata ni Hera na sumulyap kay Dwayne. Sandaling nagtama ang kanilang mga mata, at silang dalawa lang ang nagkakaintindihan kung ano ang nais nilang ipahiwatig sa isa’t-isa.

“Dwayne, pakidalhan na lang ako ng pagkain sa silid ko.” utos niya sabay talikod sa mga ito.

“Teka, bakit si Dwayne, ang magdadala ng pagkain mo? Andyan naman ang yaya Rosita mo." Saway kaagad ni Donya Hailey.

"Mom, ano oras na, ayaw kong nanggigising pa ng katulong para dalhan ako ng pagkain." dahilan niya sa ina.

"Okay lang po, Ma'am may mga binili po kasi kaming pagkain sa restaurant kanina. Hindi na ni Ma'am Hera nakain dahil nagmamadali na siyang umuwi. Ito na lang po ang ihain ko para sa kanya." Itinaas niya ang bitbit niyang plastic bag na may mga laman na pagkain.

Ilang beses pang nag palipat-lipat ng tingin si Donya Hailey sa kanilang dalawa, waring nagdududa.

"Halika