THZ 48 - LEAVING WHITEBRIDGE CITY

"Brenda, sakaling may problema sa kumpanya tawagan mo ako kaagad.” paalala ni Hera.

“Yes Ma’am. Asahan niyo pong hindi kayo magsisisi ni Sir Rhayan sa pagbibigay ng tiwala ninyo sa akin.” nakangiting wika ni Brenda.

Binalingan naman ni Hera ang ama. “Dad, ang sinabi ko sa’yo, wag mong kalimutan.” paalala niya.

Nagpahid muna ng luha si Don Fernan bago niyakap ng mahigpit ang anak. “Mag-ingat ka doon anak. Kapag may pagkakataon, gusto kong bisitahin kita doon sa New Hampshire.”

Ngumiti si Hera dahil sa sinabi ng ama. Tinapik-tapik niya ito sa balikat. “Kayo din Dad, mag-ingat kayo rito. Kilala na rin kayo ng mga kalaban ni Rhayan. Kapag may napansin kayong hindi kanais-nais na mga tao na umaaligid sa paligid n’yo, tawagan mo agad si Rhayan.” Bilin niya sa ama.

Ngumiti si Don Fernan. “Nag-usap na kami ni Rhayan, anak. Sinabi niyang nag-iwan siya ng mga tauhan upang maging bodyguard ko, mula daw iyon sa Black Lion. Sabi ko huwag na dahil may mga tauhan naman ako, ngunit talagang nagpupu